АМЬДРАЛ, ХАЙР, АЗ ЖАРГАЛ

Манан буугаад дүнсийчихэж яг л миний сэтгэл шиг. Өнөөдөр амралтын өдөр хэдий ч яг л сэрдэг цагтаа нүд нээгдчихээд буцаад анилддаггүй ээ.

Ийм л нэг намрын зэвэргэн өдрүүдэд бүтэн сайны амралтаа өнгөрүүлэхээр хөдөө гэрлүүгээ аавынхаа хамтаар очоод аргалын галын намуухан дөлийг харсан шэээг ээжийнхээ орон дээр нозоорон хэвтэж асан тэр л өдрүүд тод дурсагдах. Ай ямар их жаргал ямар их цэнгэл байж вэ? Намаржаанд буусан даруйдаа аргал ихээр түүж хураадагсан. Тэр л өдрүүдэд харамласан нойрныхоо төлөө, тэр л өдрүүдэд хөнгөн шингэн гүйж эжий аавыгаа тэр бүр ажлаас нь хөнгөлөөгүйнхээ төлөө та хоёроосоо уучлалт гуйж байна үр нь.

Намаржааны маань урдхан байх пооль. Ачаа уналга хүн хүчнээс шалтгаалан намаржаандаа эртхэн буусан тэр жил. Пооль руу үхэр оруулахгүй гэж аав минь мөн ч олон мордсон доо. Хааяахан нэг ээлжинд би мордох, хөдөө гадаа өссөн биш морь сайн унаж чадахгүйн гайгаар поольний зах руу үхрээ оруулж л орхих. Поольний үнэр одоо ч үнэртэх шиг тийм нэг сайхан.

Аавын минь үнэр, ээжийн минь зөөлхөн арьс бас тэр сайхан үнэр. Сэтгэлд минь гүн бат шингэсэн энэ үнэр, энэ мэдрэмж. Нутагтаан нэг очмоор байна. Нутаглаж байсан тэр л газруудаараа энэ л сайхан дурсамжаа өвөртлөөд нэг явахсан. Шар хөтөлөө даваад аавтай шаахайтынх нь дууг давах орилон хашгиран ярихсан. Одод гарсан шөнөөр эжийтэйгээ хамт оройтож ирсэн хэнэггүй ганц нэгхэн үнээгээ саагаад зогсож байхсан. 

Аавыгаа араас нь тэвэрч байгаад толгойноос нь үнэртэх тэр сайхан үнэрийг дахин нэг үнэрлэхсэн. Эжийгээ хүзүүдэж байгаад хөөрхөн нүдийг нь нэг үнсэхсэн.

Манан буугаад дүнсийчихэж Яг л миний сэтгэл шиг...